پێشەکی و تێڕوانینی گشتی
لە خێرانووس، پاراستنی تایبەتمەندێتی و داتاکانی تۆ لە ڕیزی پێشەوەی کارەکانماندایە. ئێمە بە تەواوی پابەندین بەوەی کە زانیارییەکانت بە پارێزراوی بهێڵینەوە. ئەم سیاسەتی تایبەتمەندێتییە بە ڕوونی و بێ هیچ شاراوەییەک ڕوونکردنەوە دەدات لەسەر ئەوەی چۆن زانیارییەکانت کۆدەکەینەوە، چۆن بەکاریان دەهێنین، پرۆسەیان دەکەین، و چۆن دەیانپارێزین لەو کاتەی کە خزمەتگوزارییەکانی گۆڕینی دەنگ بۆ دەقمان بەکاردەهێنیت.
پرۆسەکردنی کاتی لەناو بیرگەدا
لە پێناو دڵنیابوون لە پاراستنی تەواوەتی و نەهێشتنی هیچ مەترسییەک، سەرجەم ئەو فایلە دەنگی و ڤیدیۆییانەی کە بەرزیان دەکەیتەوە، تەنها لەناو بیرگەی کاتیی سێرڤەرەکانمان (In-Memory) پرۆسە دەکرێن. ئەمەش واتە فایلەکانت هەرگیز لەسەر هیچ دیسکێک یان هاردێک نانووسرێن و بە هەمیشەیی پاشەکەوت ناکرێن، بەڵکو ڕاستەوخۆ و دەستبەجێ دوای کۆتایی هاتنی پرۆسەی نووسینەوەکە بە شێوەیەکی یەکجاری دەسڕێنەوە و هیچ پاشماوەیەکیان نامێنێت.
ئەو زانیارییانەی کۆیان دەکەینەوە
ئێمە زۆر کەمترین زانیاریت لێ داوا دەکەین، تەنها زانیارییە بنەڕەتییەکانی هەژمارەکەت کۆدەکەینەوە وەکو ناو و ناونیشانی ئیمەیڵەکەت لە کاتی خۆتۆمارکردن. سەبارەت بەو دەقانەشی کە بۆت دەنووسرێنەوە، لە پێناو کارئاسانی و خزمەتکردنی زیاتر بە تۆ، تەنها بۆ ماوەی ١٠ ڕۆژ بە پارێزراوی لەناو مێژووی هەژمارەکەتدا دەمێنێتەوە، وە هەرکاتێکیش خۆت بتەوێت دەتوانیت بە دەستی خۆت و بە یەک کلیک بە یەکجاری بیانسڕیتەوە.
هاوبەشانی پرۆسەکردنی زیرەکیی دەستکرد
بۆ دابینکردنی باشترین کوالێتی، ئێمە پشت بە مۆدێلە پێشکەوتووەکانی زیرەکیی دەستکرد دەبەستین بۆ نووسینەوە و پوختکردنەوەی فایلەکانت. فایلەکانت لە ڕێگەی پەیوەندییەکی زۆر پارێزراوەوە دەنێردرێن تەنها بە مەبەستی پرۆسەکردنی ڕاستەوخۆ. ئێمە دڵنیات دەکەینەوە کە نە ئێمە و نە هیچ لایەنێکی سێیەم، داتاکانت بەکارناهێنین بۆ مەشقپێکردن (Training) بە مۆدێلەکانی زیرەکیی دەستکرد، و بە تەواوی پارێزراو دەبن.
پاراستنی زانیاری و ماوەی هێشتنەوەی
ئاسایشی زانیارییەکانت هێڵی سوورە لامان. وشەی نهێنیت بە بەکارهێنانی تەکنەلۆژیای پێشکەوتووی (Supabase) بە شێوەیەکی زۆر ئاڵۆز کۆد (Encrypt) کراوە کە تەنانەت ئێمەش ناتوانین بیبینین. لەپاڵ ئەوەشدا، ئێمە توندترین ڕێوشوێنی تەکنیکی و ئەمنی دەگرینە بەر بۆ پاراستنی سەرجەم زانیارییە کەسییەکانت و ڕێگریکردن لە هەر جۆرە دەستڕاگەیشتن، دزەپێکردن، یان گۆڕانکارییەکی ڕێگەپێنەدراو لەلایەن کەسانی دەرەکییەوە.
فایلەکانی ناسنامە (Cookies) و سنووری خزمەتگوزاری
سیستەمەکەمان پشت بە فایلەکانی ناسنامە (Cookies) دەبەستێت تەنها بۆ یەک مەبەست، ئەویش هێشتنەوەی دانیشتنی چوونەژوورەوەکەتە بۆ ئەوەی ناچار نەبیت هەموو جارێک دووبارە بچیتە ژوورەوە. هەروەها بۆ پاراستنی سیستەمەکە لە هەر هێرشێک یان خراپ بەکارهێنانێک، ئێمە سنووری بەکارهێنانەکان لە ڕێگەی خزمەتگوزاریی (Upstash Redis)ەوە چاودێری دەکەین، ئەمەش دەمانتوانێت خزمەتگوزارییەکی جێگیر، خێرا و بێ کێشە بۆ سەرجەم بەکارهێنەرانمان دابین بکەین.
پرسیارەکان و پەیوەندی
ئێمە هەمیشە ئامادەین بۆ وەڵامدانەوەی پرسیارەکانت. ئەگەر هەر پرسیارێک، تێبینییەک، یان نیگەرانییەکت هەیە دەربارەی ئەم سیاسەتی تایبەتمەندێتییە یان چۆنیەتی مامەڵەکردنمان لەگەڵ زانیارییەکانت، تکایە بێ دوودڵی پەیوەندی بە تیمی پشتگیریمانەوە بکە لە ڕێگەی ئیمەیڵی support@xeranus.site. بە خۆشحاڵییەوە لە کەمترین کاتدا وەڵامت دەدەینەوە.